admin Kavita/ Poems of Girish Makwana 2025-08-07 02:20:28 62
આજ ખાલી ખાલી તે બધું લાગતું,
મેળામાં ઉભરાતું આટલું મનેખ તોય,
કોનું ન હોવું મને વાગતું?
દર્પણ લઈને અમે દર્પણમાં દીઠું આકાશ,
ધોળાધફ નિસાસા ટહેલતાં રીયે છે મારી આંખ્યું ના સૂના આવાસ.
આકળ-વિકલ એક હિજરાતું હરણું,
યે લાલ, લાલ, લાલ, લાલ જાગતું... આજ.
અડકી જોયું મેં મને કેટલાયે વાર,
આ તે હું છું કે મારો આભાસ?
છોડી મળ્યાં છે કૂણે, ગાયું ન ધણ મારા,
લીલછમ ભેલાતા શ્વાસ.
આથમી રહ્યો છે મારા હોવાનો સૂરજ,
ને અંધારું કોણ હવે વાવતું?
No comments found.
