admin Kavita/ Poems of Girish Makwana 2025-08-20 21:21:46 38
ઋક્ષ ડાચું ફાડતો આવ્યો દુકાળ,
કૈંક ઘર ચાવી ગયો ભૂખ્યો દુકાળ.
પાંખ ફેલાવી ગગનમાં ઉંડતા,
બાજ માફક ત્રાટક્યો ભૂખ્યો દુકાળ.
હાડકું યે શેષ ના રહેવા દીધું,
ચામડાં ચૂંથ્યે જતો ભૂખ્યો દુકાળ.
વસ્ત્ર લીલાં સીમનાં ફાડ્યાં પછી.
નગ્ન છાતી ચૂસતો ભૂખ્યો દુકાળ.
વાવકૂવા ને તળાવો પી ગયો,
ને ધરા તિરાડતો ભૂખ્યો દુકાળ.
સાવ નાગાંશંખ જેવાં વૃક્ષ પર,
ડાકલી બજગ્યા કરે ભૂખ્યો દુકાળ.
No comments found.
