આતંક છવાયો છે આખા નગરમાં,

ઈશ્વરલ્લાને ઈસુ ઘવાયા છે આખા નગરમાં.

ઈશ્વરને અલ્લાને ઈસુના ડુસકાં —

પડઘાય છે હજી આખા નગરમાં.

સળગતાં ઘરોને ધુમાતાં જ ખંડેર,

બુલેટોના ટહુકાઓ આખા નગરમાં.

સુમસામ ગલીઓ ને રસ્તાઓ સુના,

કણસાય છે પોળો આખા નગરમાં.

કણસાય છે પોળો આખા નગરમાં.

ઈન્સાનીયત લોહીલુહાણ થઈ ગઈ,

જીવાડો જીવી જાય આખા નગરમાં.

ન હિંદુ, ન મુસ્લિમ, ન ખ્રિસ્તી મરે છે,

મરે છે તો ઈશ્વરલ્લાને ઈસુ નગરમાં.

બહુ થયું — હવે પગલાં પાછા ભરો કે,

જીવી જાય ઈશ્વરલ્લા ને ઈસુ નગરમાં.