admin Kavita/ Poems of Girish Makwana 2025-08-21 00:49:08 42
સદીઓથી સાંપડી છે દુઃખ-દર્દની અનામત,
અન્યાયની અનામત, ધિક્કારની અનામત.
બદલાઈ છે હજી ક્યાં હાથની આ રેખાઓ,
અશ્રુના ડુસકાંની રેખા હજી અનામત.
આવ્યો છે કાળઝાળ ઉનાળાનો અંત ક્યાં?
આવ્યા છીએ લખાવી દુર્ભાગ્યનું અનામત.
ઉગ્યો હતો સવારમાં સૂરજ જરાક ત્યાં,
વાદળમાં ગોટમોટ લીધો અંધારની અનામત.
બે-પાંચ ટકાની જ સહાનુભૂતિ પછી,
સો-સો ટકાની આપણે અપમાનની અનામત.
No comments found.
